14-anyos pumalag sa rapist, inutas

CAMP SIMEON OLA, Legazpi City, Philippines – Pinagsasak­sak hanggang sa mapatay ang isang 14-anyos na dala­gitang estudyante matapos itong pumalag sa rapist sa Barangay Pinamasingan sa bayan ng San Pascual, Masbate noong Biyernes ng umaga.

Bandang alas-7 ng umaga­ nang matagpuan ang duguang katawan ni Edna Pempe, 3rd year hayskul sa San Pascual National High School at residente sa nasabing barangay.

Samantala, sumuko naman sa Barangay Chairman matapos makonsiyensya sa ginawang krimen ang suspek na si Richard Argawanon, 21, ng Sitio Biga sa Barangay Bolod.

Sa imbestigasyon ng pulisya, lumilitaw na nag­lakad na lamang ang biktima patungong eskuwelahan dahil walang masakyang jeepney nang harangin at tangkang halayin ng suspek.

Subalit nanlaban ang biktima kaya napilitang saksakin ng suspek saka inabandona sa liblib na bahagi ng nabanggit na barangay.

Nadiskubre naman ng ilang estudyanteng naglalakad ang duguang katawan ng biktima kaya naipagbigay-alam sa pulisya.