Misis tinodas, mister nag-suicide
BATANGAS, Philippines - Madugo ang Valentine’s Day ng mag-asawa na imbes bulaklak ang pasalubong na regalo ay pinagbabaril ang misis hanggang sa mapatay ng kanyang selosong mister bago ito nag-suicide sa lalawigan ng Batangas kamakalawa ng hapon.
Kinilala ng pulisya ang nasawing si Ria Labandila, 32, habang natagpuan namang patay ang kaniyang mister na si Joel Labandilla, 33, na sinasabing nagbaril sa ulo.
Base sa police report, naganap ang krimen bandang alas-4:50 ng hapon sa Barangay Sto. Niño sa bayan ng San Pascual.
Lumilitaw na galit na pinagbabaril ng misrter ang kaniyang misis sa hinalang may ibang lalaki at matapos mapatay ang asawa ay mabilis na tumakas lulan ng Starex van (WFC 542 ).
Samantala, nagbaril naman sa ulo ang mister sa Batangas Bay sa Barangay San Miguel sa bayan ng Bauan, Batangas.
Ayon sa mga imbestigador ng pulisya, love triangle ang unang lumulutang na motibo sa krimen dahil nagseselos ang mister sa kaniyang asawa na pinagbibintangan nitong nagtataksil.
Naulila naman ng mag-asawa ang tatlong anak kung saan patuloy naman ang imbestigasyon ng pulisya.
- Latest
- Trending
