Bus vs trike, bike: 2 driver dedo

MANILA, Philippines - Dalawang drayber ang iniulat na nasawi habang su­gatan naman ang isa pa matapos na mabangga  ng mini-bus ang motorsiklo at traysikel sa kahabaan ng highway sa Barangay Poblacion II, Himamaylan  City, Negros Occidental kamakalawa ng hapon. Kinilala ang dalawa na sina Roseldo Tayco, 69; at Ronnel Peranco, 33; kapwa namatay habang ginagamot sa Himamaylan City District Hospital. Sugatan naman si Ronie Mae Bayona na lulan ng traysikel ni Tayco. Lumilitaw na nawalan ng preno ang bus ni Mang Jolasco kaya sinalpok ang motorsiklo ni Peranco kung saan nakaladkad pa ng 50 metro bago sumunod naman nitong binangga ang traysikel ni Tayco. Samantala, inaresto naman  ng pulisya ang driver.