5 tiklo sa drug bust

MEYCAUAYAN CITY, Bulacan, Philippines – Hawlang bakal ang binagsakan ng limang kalalakihan makaraang madakma ng pulisya sa inilatag na drug-bust sa Barangay Bancal, Meycauayan City, Bulacan kamakalawa ng gabi. Pormal namang kinasuhan ni P/Senior Insp.Randy Korret ang mga suspek na sina Gerry Molit, 30, trike driver, ng Brgy. Lawa; Gelacio “Pusa” Sangalang, 41; Noel “Tabo” Concepcion, 42, kapwa nakatira sa Brgy. Bancal; Francis Espiritu 35, ng Brgy. Pandayan, Meycauayan City; at si Francis Sarmiento, 43, ng Brgy.Saog, Marilao. Narekober sa mga suspek ang ilang gramo ng shabu at ilang stick ng pinatuyong dahon ng marijuana. Ayon sa pulisya, tatlo sa mga suspek ay nasa drug watchlist ng PNP.