2 holdaper dedo sa engkuwentro

RIZAL, Philippines  – Bumulagta ang dalawang lalaki na sinasabing nangholdap sa burger machine makaraang makipagbarilan sa mga pulis sa bahagi ng Sitio Tapayan, Barangay San Juan sa bayan ng Taytay, Rizal kahapon ng madaling-araw.

Kasalukuyang binebe­ripika ang pagkakakilanlan ng dalawang holdaper na nakumpiskahan ng dalawang baril at motorsiklo na ginamit sa krimen.

Bago mapatay ang da­la­wa ay sinasabing hinoldap muna ang tatlong kawani ng burger machine na sina  Mark  Kenneth  Delos  Santos, Sarah Jane  Salidaga, at  si Ernestine  Payte.

Sinasabing umorder pa ng burger ang dalawa at sa halip na magbayad ay hinoldap pa ang tatlong tindera.

Kaagad naman nai­pa­abot sa pulisya ang insi­dente kaya inilatag ang follow-up operation hanggang sa mamataan ang dalawa na lulan ng motorsiklo.

Sa halip na sumuko ay nakipagbarilan pa ang da­lawa laban sa pulisya hanggang sa mapatay.