Drug pusher itinumba

MANILA, Philippines - Onsehan sa bentahan ng bawal na droga ang pinaniniwalaang motibo kaya pinaslang ang isang notoryus drug pusher matapos itong ratratin ng mga ‘di-kilalang kalalakihan sa bahagi ng Barangay Zone 5 sa bayan ng Rosales, Pangasinan noong Biyernes ng hapon. Nagkabutas-butas ang katawan ni Michael Gil Garcia, 31. Sa ulat ng Rosales PNP, si Garcia na nasa talaan ng pulisya bilang drug pusher ay isinasangkot din sa serye ng nakawan sa nasabing bayan. Narekober naman sa crime scene ang mga basyo ng bala ng cal. 45 pistol.