Konduktor hinoldap ng pasahero
SOLANO, Nueva Vizcaya, Philippines — Hindi matukoy kung bagitong holdaper ang apat na kalalakihan matapos na holdapin ang konduktor ng pampasaherong bus kamakalawa ng gabi sa bayan ng Diadi, Nueva Vizcaya.
Sa ulat ng pulisya, dakong alas-7:40 ng gabi nang parahin ng apat na kakalakihan ang Victory Bus (LVK 354) ni Ranel Pagatu sa harapan ng Diadi Central School.
Pagsapit sa bahagi ng Sitio Hilltop sa Brgy. Nagsabaran ay hinoldap ng apat na armado ng baril ang kundoktor na si Carlito Fortin.
Ayon kay P/Supt Elmer Beltejar, Nueva Vizcaya PNP director, tanging ang kundoktor ng bus ang hinoldap ng apat kung saan tinangay ang koleksiyong P4,000 at ang pitaka nito na may P2,500 kabilang na rin ang cell phone.
Pinaniniwalaang bagito pa lamang ang apat kaya kundoktor lamang ang hinoldap saka nagsitakas.
- Latest
- Trending
