Manggagawa nakuryente, utas

MANILA, Philippines - Naging mitsa ng buhay ng isang manggagawa sa rice mill ang pangunguryente ng isda matapos na aksidenteng dumaloy sa katawan nito ang malakas na boltahe ng kable ng kuryente sa sapa sa bayan ng San Francisco, Agusan del Sur kamakalawa. Kinilala ang biktima na si Jessie Sandi ng WAB Rice Mill sa Purok 5, Brgy. 4 ng nasabing bayan. Batay sa ulat na nakarating sa Camp Crame, bandang alas-9 ng umaga habang nangunguryente ng isda ang biktima kasama ang isa pang obrero ng mangyari ang insidente. Nagawa pang maisugod sa D.O. Plaza Memorial Hospital subalit namatay din ang biktima.