Collector dedo sa holdaper

MANILA, Philippines - Napaslang ang isang bank collector matapos na pagbabarilin ng  dalawang armadong lalaki na lulan ng motorsiklo sa kahabaan ng highway sa Toledo City, Cebu noong Martes ng hapon. Napuruhan sa ulo ang biktimang si Alvin Limoco ng Brgy. Nangka, Balamban. Sa police report na nakarating kahapon sa Camp Crame, lulan ng motorsiklo ang biktima nang sundan at pagbabarilin ng dalawang holdaper. Nabatid na kalalabas lamang ng biktima mula sa bangko sa Toledo City at patungong Balamban nang maganap ang insidente. Dahil sa pagkakagulo ng mga tao sa nasabing lugar ay nabigo ang dalawa na tangayin ang P40,000 na dala ng biktima.