Magsasaka utas sa 4 mag-uutol

CAMP SIMEON OLA, Legazpi City, Philippines – Pinaniniwalaang awayan sa lupang sinasaka kaya pinagtulungang barilin at pagtatagain ang isang 43-anyos na magsasaka ng apat na ma-uutol sa Sitio Ilawod, Barangay Arado sa bayan ng Uson, Masbate kamakalawa ng umaga. Kinilala ang napaslang na si Roland Malana habang tinutugis naman ng pulisya ang mga suspek na sina Josie Libot, George Libot, Joseph Libot, Cerio Libot, at dalawang iba pa. Base sa police report, bumibili ng sigarilyo ang biktima nang lapitan at pagtulungang paslangin ng mga suspek na sinasabing nagtanim ng galit dahil sa pinag-aawayang lupain.