2 dedo sa killer truck

CAVITE, Philippines – Kamatayan ang sumalubong sa dalawang sibilyan matapos masalpok ang kanilang motorsiklo ng trailer truck sa Gen. Aguinaldo Highway, Barangay Lalaan sa bayan ng Silang, Cavite kamakalawa ng gabi. Idineklarang patay sa Estrella Hospital sina Robert Abril, 16, ng Brgy. Buho at Oscar Banega Javana ng Brgy. Tubuan habang nadakma naman ang drayber ng truck na si Arnel Estives, 36, ng Tatalon, Quezon City. Ayon kay PO2 Arwin Torres, naganap ang road mishap dakong alas-10 ng gabi kung saan nahagip ng truck (RHE169/PUR739) ng Melaco Enterp. Corp. ang motorsiklo (WD1928) ng dalawa.