Health seminar sa mga gobernador

ORIENTAL MINDORO, Philippines — Para matulungan ang kasalukuyang gobyerno sa mga programang pangkalusugan, nagsanib pwersa ang League of Provinces of the Philippines (LPP) at Zuellig Family Foundation (ZFF) para sa dalawang araw na health program workshop mula Hunyo 9-10 sa Century Park Hotel. Tuturuan ng mga resource person mula sa ZFF ang mga gobernador na magkaroon pa ng mga kasanayan at kaalaman ukol sa public health leadership. Itatampok din ang mga best practices sa public health na maaring ipatupad ng mga lokal na opisyal ng pamahalaan.

Kabilang sa mga gobernador na dadalo ay sina Alfonso Umali Jr. (Oriental Mindoro), Luis “Chavit” Singson (Ilocos Sur); L-Ray Villafuerte (Camarines Sur), Casimiro “Jun Jun” Ynares III (Rizal), Miguel Dominguez (Sarangani), Paul Daza (Northern Samar), Abdullah Khalid Dimaporo (Lanao del Norte), Joel Baac (Kalinga), Rommel Jalosjos (Zamboanga Sibugay), Abraham Khalil Mitra (Palawan), Esmael Mangudadatu (Maguin­danao), Eduardo Firmalo (Romblon), Eustaquio Bersamin (Abra), Rodolfo del Rosario (Davao del Norte), Josephine Sato (Occidental Mindoro), Antonio Cerilles (Zamboanga del Sur), Sakur Tan (Sulu), Sadikul Sahali (Tawi-Tawi), Mamintal Adiong (Lanao del Sur) at si Basilan Gover­nor Jum Akbar.