Kinidnap na trader pinalaya

MANILA, Philippines - Matapos ang sampung araw na pagkakabihag, pina­ laya na ang dinukot na baba­eng negosyanteng Tsinoy sa  Barangay Taviran, North Kabuntalan, Maguindanao kahapon ng madaling-araw.

Kinilala ni Col. Prudencio Asto, hepe ng Public Affairs Office ng Army’s 6th Infantry Division ang pinakawalang bihag na si Angelina Soken Chew Mantique, 47, grocery owner.

Bandang alas-4:30 ng ma­daling-araw ng abando­nahin ng grupo ni Mayang­kang Saguile, lider ng Pen­tagon KFR gang si Mantigue sa Brgy. Datu Mad­tumeg.

Pinaniniwalaang na-pre­s­­sure ang mga kidnaper laban sa mga tauhan ng Joint Task Force Kuta­wato ni P/Director Felicisimo Khu at tropa ng Army’s 6^th Infantry Division ni Brig. Gen. Rey Ardo.

Si Mantigue ay dinukot sa harapan ng kanyang tindahan sa Barangay Pob­lacion Nuro, Upi, Maguin­danao noong Mayo 14 kung saan sumiklab ang bakbakan sa pagitan ng rumes­pondeng militar at mga kidnaper na ikinasugat ng isang pulis.

Inaalam ng mga awto­ri­dad kung may kapalit na ransom ang pagpapalaya sa nasabing bihag.