Buntis na misis pinugutan

CAMP SIMEON OLA, Legazpi City  ,Philippines — Brutal na kamatayan ang sinapit ng isang 32-anyos na misis na apat na buwang buntis matapos na tagpasin ang leeg nito ng kanyang mister na sinasabing naburyong dahil sa bawal na droga kamakalawa ng gabi sa Barangay San Julian sa bayan ng Irosin, Sorsogon. Halos humiwalay ang leeg sa katawan ni Cristy Mulawin na nagtamo rin ng sugat sa iba’t ibang bahagi ng katawan. Samantala, tugis naman ng pulisya ang suspek na si Roland Mulawin. Batay sa ulat ng pulisya, umuwi ang suspek na lango sa bawal na droga saka kinompronta ang biktima dahil sa pagiging selosa nito. Dito na nagalit at pinagtataga ng suspek ang kanyang misis matapos akusahang may ibang babae karelasyon.