2 kinatay sa manukan

BULACAN ,Philippines  – Pinaniniwalaang away sa inaalagaang sasabunging manok kaya pinagtulungang saksakin hanggang sa ma­patay ang dalawa-katao sa Barangay Matictic sa bayan ng Norzagaray, Bulacan kahapon ng umaga.

Isa sa napaslang ay ang katiwala sa manukan na si Romeo Tumage, 49, habang ang isa ay 'di-pa kilala na sinasabing nakasaksi sa pagpatay kay Tumage kaya pinatahimik din. Tugis naman ng pulisya ang mga suspek na sina Jessie Rombines, 20; at isang alyas Rambo, 20, kapwa nakatira sa bulubundu­king bahagi ng Barangay Matictic.

Base sa imbestigas­yon ni PO2 Dwight Danao, lumilitaw na nairita ang dalawang suspek sa katiwala sa manukan dahil sa kalimitang paninita sa hindi tamang pag-aalaga ng manok.