4 bulagta sa encounter
ZAMBALES, Philippines — Bumulagta ang apat-katao kabilang ang tatlong kasapi ng Rebolusyonaryong Hukbong Bayan matapos sumiklab ang bakbakan sa pagitan ng military at komunistang grupo sa Barangay Vacon sa bayan ng Candelaria, Zambales noong Miyerkules ng gabi.
Ayon kay Army Chief Lt. Gen. Arthur Ortiz, bandang alas-8:10 ng gabi nang makasagupa ng Army’s 24th Infantry Battalion at ng 23rd Special Action Co. ang mga rebelde sa liblib na bahagi ng Sitio Camatis, Brgy. Vacon.
IIang minutong tumagal ang bakbakan at mabilis na nagsitakas ang mga rebelde patungo sa liblib na bahagi ng kagubatan.
Tatlong rebelde ang nagtagpuang patay habang kinilala naman ni P/Supt. Agrimero Cruz Jr., ang napatay na pulis na si PO1 Joseph Raymundo.
Narekober sa pinangyarihan ng bakbakan ang dalawang M16 Armalite rifles at M14 na naiwan ng mga rebelde kung saan patuloy naman ang pagtugis ng tropa ng militar laban sa grupo ng mga rebelde. Randy Datu, Alex Galang At Joy Cantos
- Latest
- Trending
