Kawani ng DOLE Phils pinugutan

KORONADAL CITY, Philippines – Kalunus-lunos na kamatayan ang sinapit ng isang 24-anyos na kawani ng pineapple firm sa South Cotabato makaraang pagtatagain ay pinugutan pa ng mga ’di-pa kilalang kalalakihan sa bisinidad ng Barangay Sinolon sa bayan ng T’boli, South Cotabato kahapon.

Sa ulat na nakaraitng sa T’boli PNP station, kinilala ang biktima na si Jonifer Lapinig, sprayman ng DOLE Phils. na nakabase sa bayan ng Polomolok.

Ayon sa pulisya, ang bangkay ni Lapinig na walang ulo ay natagpuan ng ilang residenteng naghihintay ng dyipni sa plantasyon ng pinya bandang alas-9 ng umaga.

Natagpuan din ang ulo may 20-metro ang layo sa katawan ng biktimang pinagtataga.

“Walang puso at awa yung gumawa noon sa victim. Shock talaga kami lahat ng makita naming ang bangkay niya na putol ang ulo at nakahiwalay ito sa kanyang katawan,” pahayag ni Teresita Kusan ng B’laan mula sa nabanggit na lungsod.

Patuloy naman ang imbestigasyon ng mga tauhan ni P/Senior Supt. Nilo Wong. Phil. Star News Service