Bike vs bike: Professor dedo

KIDAPAWAN CITY, Philippines – Isang professor ng University of Southern Mindanao ang iniulat na nasawi habang tatlong iba pa ang nasugatan makaraang magsalpukan ang dalawang motorsiklo sa bahagi ng Rizal Avenue sa harapan ng Western Union, Poblacion Uno sa bayan ng Kabacan, North Cotabato kamakalawa ng gabi. Kinilala ang nasawi na si Rey Heruela, instructor ng College of Industry and Technology; habang sugatan naman ang misis ni Rey na si Rosalie at ang dalawang magka­angkas din sa motorsiklo na sina Rey Angelo Ramos, Angelito Fernando Filamor. Ayon sa ulat, magkaangkas sa motorsiklo ang mag-asawa nang ‘di namalayan ang paglabas sa kabilang kalye ng motorsiklo nina Ramos at Finamor kung saan naganap ang sakuna. Naisugod naman sa Kabacan Medical Specialist Center ang mga sugatan.