3 bata lunod sa fishpond

MANILA, Philippines - Tatlong bata ang kum­­pir­­madong nasawi makaraang malunod sa palais­daan sa Barangay Nalsian Sur sa bayan ng Bayambang, Panga­sinan kamakalawa. Tumagal pa ng ilang oras bago lumutang ang mga bangkay nina Nico Bughaw, 5; Analisa Sarmiento, 5; at Alexander Llego, 4. Sa po­lice report na nakarating sa Camp Crame, bandang alas-10:30 ng uma­ga nang mamataang naglalaro ang tatlo sa bisinidad ng palaisdaan na pag-aari ni Rolly Rodriguez. Lumilitaw sa im­­bes­tigasyon na aksidenteng nadulas at nahulog sa palaisdaan ang mga bata habang magkakahawak-ka­may.