4 dedo sa flashflood

MANILA, Philippines - Apat-katao kabilang ang isang sanggol ang kumpir­ma­dong nasawi habang sam­pung iba pa ang nasu­gatan ma­karaang tangayin ng ma­lakas na agos sa pa­nanalasa ng flashflood sa apat na ba­ra­ngay sa Koro­na­dal City, South Cotabato noong Biyernes.

Narekober naman noong Sabado ng umaga ang mga bangkay nina Anita Patricio, 37; Linda Iris, 78; Renie Boy Patricio,10 buwang gulang at si Mekaila Patricio, 5, pawang mga nakatira sa Sitio Upper Acub at Brgy. San Isidro. Ayon kay P/ Chief Supt. Felicisimo Khu Jr., na­apek­tuhan ng tubig baha ang highway sa Brgy. Carpenter Hill; Brgy Sarabia at Aquino Street sa Brgy. Zone 3; pa­wang nasa Koronadal City. Samantala, sampu na­mang residente ang naisu­god sa South Cotabato Provincial Hospital habang patuloy na pinaghahanap ang isang sanggol na na­wawala.

Aabot naman sa 70 pa­milya ang naapektuhan ng flashflood ang ngayon ay nasa San Isidro Elementary School bilang evacuation center. Patuloy naman ang isina­sagawang clearing, search and relief operations ng mga tauhan ni P/Senior Supt. Benito Seron.