Wanted na ASG todas sa kabaro

MANILA, Philippines - Isang wanted na bandidong Abu Sayyaf Group (ASG) na sangkot sa serye ng kidnapping for ransom ang pinag­babaril at napatay ng pinaghihinalaang kasamahan nito sa grupo sa Isabela City, Basilan kamakalawa. Kinilala ang na­pa­tay na si Kamsa Limaya, may patong sa ulong P200,000.00 na binawian ng buhay sa internal hemorrhage. Sa ulat ng pulisya, bandang alas-3:30 ng hapon ng maganap ang insidente sa Brgy. Ba-as, Lamitan City ng lalawigan. Tumakas si Limaya sa provincial jail noong nakaraang taon. May hinala ang mga residente na ASG din ang pu­matay kay Limaya dahil sa takot na magturo ito sa sandaling mahuli uli ng awtordiad. Nakilala ang bumaril sa biktima na si Jawari Mayarin.