6 holdaper todas sa shootout

CAMP VICENTE LIM, Laguna, Philippines — Anim-katao na sinasabing miyembro ng notoryus na robbery/hold­up gang ang napaslang makaraang makipag­ba­rilan sa mga alagad ng batas sa bahagi ng Ba­rangay San Francisco sa bayan ng Biñan, Laguna noong Mi­yerkules ng gabi.

Tatlo sa anim na na­patay ay sina Joey Lla­gas, 25; Severino Abotok at si Jaime Segundo Jr. habang inaalam pa ang pagka­kakilanlan sa tatlo.

Samantala, sugatan na­man si PO1 Webster Ortiz Cruz matapos magta­mo ng bala ng baril sa kanang binti at kaliwang balikat at ngayon ay nag­papagaling sa University of Perpetual Help Medical System Hospital.

Nabatid na ang anim na sinasabing sangkot sa serye ng holdapan sa Laguna ay kalimitang guma­gamit ng traysikel para maisagawa ang kanilang modus operandi sa ma­didilim na bahagi.

Ayon kay P/Senior Supt Gilbert Cruz, Laguna police director, nakatanggap ng impormasyon ang pulisya kaugnay sa kahina-hina­lang grupo ng kalalakihan na sakay ng dala­wang traysikel at gumagala sa bisinidad ng Barangay San Antonio.

Kaagad namang nag­latag ng checkpoint ang pulisya kung saan na­mataan naman ang dala­wang grupo na lulan ng traysikel sa kahabaan ng highway ng Barangay San Francisco bandang alas-8:30 ng gabi.

Gayon pa man, nang pahintuin ng pulisya sa checkpoint ay biglang sumibad palayo kaya nag­kahabulan ng ilang minuto hanggang makor­ner sa bisinidad ng Irene Ville Subdivision.

Subalit, imbes na sumu­ko ay agad na pinaputukan ng grupo ang sasakyan ng pulisya kung saan nauwi sa shootout.

Nakarekober ang apat na baril, shot gun, grana­da, at iba’t ibang uri ng bala ng baril.