Pamangkin ni ex-Sen. Alvarez nalunod

BATANGAS, Philippines  — Napa­aga ang salubong ni kama­tayan sa 19-anyos na pa­mangkin ng dating senador matapos malunod habang nagsi-swimming sa beach resort sa bayan ng Nasug­bu, Batangas kamakalawa ng hapon.

Kinilala ni P/Senior Supt. Alberto Supapo, Ba­tangas police director, ang nasawi na si Reigel Alvarez ng Barangay Laging Handa sa Quezon City at pamang­kin ni ex-Senator Heherson Alvarez at Department of Environment and Natural Resources Secretary.

Lumilitaw na nag-outing ang grupo ni Alvarez kasa­ma ang mga kamag-anak at kaibigan sa resort sa Talibeach Subdivision sa Barangay Balaytigue nang tangayin ito ng malakas na alon bandang alas-4:40 ng hapon.

Lumutang ang katawan ni Alvarez may 10-metro ang layo mula sa coastline ng resort, ayon sa mga imbestigador.

Naisugod pa sa Apa­cible Memorial Hospital si Alvarez pero idenekla­rang patay ni Dr. Mau­reen Villa­nueva.

Batay sa salaysay ni Isaac Valejo, assistant security officer ng resort, sinabihan na ng bankero ang biktima na huwag pumunta sa malalim na bahagi ng dagat pero hindi ito nakinig.