2 holdaper todas sa shootout

MANILA, Philippines -  Isang linggo matapos na magdeklara ng total war laban sa mga robbery gangs, isang magkapatid na kapwa miyembro ng no­toryus na grupo na sangkot sa LBC robbery sa Passi City kamakalawa ang na­patay sa pakikipag­palitan ng putok sa mga operatiba ng pulisya sa Calinog, Iloilo nitong Sa­bado ng umaga.

Kinilala ni Police Regional Office (PRO) 6 Director Chief Supt. Samuel Pagdilao ang mga napas­lang na suspect na sina Arnel at Gilbert, alyas Lungkot; pawang Chiva ang apelyido na mga mi­yem­bro ng notoryus na Chiva robbery gang.

Bandang alas-7 ng umaga nang salakayin ng Anti-Robbery Task Group ng Regional Intelligence Office 6 at Criminal Investigation and Detection Group 6 ang hideout ng mga suspect sa Sitio Bo­licao, Brgy. Alibunan, Cali­nog, Iloilo City.

Una rito binuo ni Pag­dilao ang Anti-Robbery Task Group kasunod ng idineklarang total war vs robbery gang sa kaniyang hurisdiksyon. Ang mga suspect ay kabilang sa talaan ng most wanted persons na sangkot sa robbery holdup sa buong lalawigan.

Sinabi ni Pagdilao, bitbit ang warrant of arrest ay sinalakay ng mga awto­ri­dad ang pinagtataguan ng mga suspek pero sa halip na sumuko ay pinaputukan ng mga ito ang mga awto­ridad na nagresulta sa shoot­out na ikinasawi ng mag-utol.

Base sa impormasyon ang robbery gang ng mag­kapatid ang responsable sa panghoholdap sa sa­ngay ng LBC sa Passi City, Iloilo nitong Biyernes da­kong alas-11:30 ng umaga kung saan umaabot sa P458,000 cash ang nata­ngay ng mga ito.

Nare­kober sa pinangya­rihan ng shootout ang isang cal. 38 pistol, isang 357 revolver at isang gra­nada.