5-anyos ni-rape, ginilitan ng adik
BAYOMBONG, Nueva Vizcaya, Philippines — Brutal na kamatayan ang sinapit ng isang 5-anyos na babae na pinaniniwalaang hinalay muna ng adik sa bawal na droga bago ginilitan ng barbed wire sa bakanteng lote sa bayan ng Cabatuan sa Isabela kamakalawa ng tanghali.
Ayon kay P/Senior Insp. Billy Mangali, hepe ng pulisya sa bayan ng Cabatuan, ang bangkay ng biktima na ginilitan pa ng alambre sa leeg ay itinago sa pangalang Nene.
“She was found dressed in shorts and sando undershirt with a barbed wire around her neck, the neck was broken, which was the initial findings that caused her death,” pahayag ni Mangali
Lumilitaw sa pagsusuri na pinagsamantalahan muna ang bata bago ginilitan gamit ang alambre na nakapulupot pa sa leeg ng biktima.
Naunang ipinaabot sa pulisya ang pagkawala ng bata matapos mapansin ng mga magulang na hindi nakauwi ang biktima noong Sabado.
Bandang alas-11:30 ng umaga nang matagpuan ang bangkay ng biktima may 100 metro lamang ang layo sa kanilang bahay.
Samantala, pansamantalang hindi muna tinukoy ang pagkakakilanlan ng suspek para ‘di-makatakas sa dragnet operation na inilatag ng pulisya.
- Latest
- Trending
