Most wanted sa Quezon arestado

LUCENA CITY, Philippines — Bu­magsak sa kamay ng pu­lisya ang itinuturing na numero 4 sa talaan ng mga Most Wanted Person sa lalawigan ng Quezon mata­pos na ito ay masakote sa kanyang pinagtataguan sa Diversion road, Barangay Domoit sa lungsod na ito, kamakalawa.

Kinilala ni Supt. Pascual Munoz, Jr. Ph.D, chief of police dito, ang nadakip na si Maxander “Imo” Evora, 22 binata at residente ng Cal­mat Homes Subdivision, Barangay Kanlurang Ma­yao. Si Evora ay may na­ka­­­binbing kaso ng pag­patay at matagal nang nagtatago sa batas.

Binanggit sa ulat na na­mataan ang suspek sa pina­gatataguan nitong isang bahay sa Barangay Domoit at sa pamamagitan ng inis­yung warrant of arrest la­ban dito ay nadakip ito at hindi na nakapalag nang pa­li­butan ng mga awto­ridad.