5 NPA rebels todas sa palpak na raid

MANILA, Philippines - Limang miyembro ng mga rebeldeng New Peo­ple’s Ar­my ang nasawi ha­bang mara­mi pa ang suga­tang tumakas matapos ang palpak na raid sa isang him­pilan ng pulisya sa bayan ng Cateel, Davao Orien­tal ni­tong Biyer­nes ng hapon.

Base sa report ng Police Regional Office (PRO)11, si­nabi ni PNP Spokesman Chief Supt. Leonardo Espina na nasa 50 rebelde sa ilalim ng Guerilla Front (GF) 20 ang sumalakay sa detachment ng 11th Regional Safe­ty Ma­nagement Battalion (RSMB) sa Sitio Tagadao, Brgy. Pobla­cion, Cateel da­kong ala-1:10 ng hapon.

Agad naman ang mga itong sinagupa ng naka­ aler­tong puwersa ng mga awto­ridad.

Nasugatan sa insidente ang tatlong pulis na sina PO1’s Lino Layese, Mario Renjuijo at PO2 Cesar Camo­mot pero matagumpay na na­itaboy ang mga rebelde na nag­sitakas bitbit ang mga na­sugatan nilang kasamahan.

Samantala, matagumpay namang nakubkob ng tropa ng Army’s 61st Infantry Battalion (IB) ang isang malaking kampo ng mga rebelde sa operasyon sa Brgy. Camin­dangan, Sipalay City, Negros Occidental dakong alas-6 ng umaga kamakalawa.

Bandang alas-8:45 na­man ng umaga nitong Biyer­nes ay nakasagupa ng tat­long teams ng Scout Ranger Company at ng 11th Infantry Battalion ang grupo ng NPA re­bels sa pamumuno ni Ka Ryan sa Sitio Igpapa­tao, Brgy. Tacpao, Guihulngan, Neg­ros Oriental.

Ayon kay Col. Max Caro, Commander ng Army’s 303rd Brigade, apat sa kaniyang mga tauhan ang nasugatan sa engkuwentro at pinanini­walaan namang marami ang nalagas sa panig ng mga kalaban.