Koreano na-depress, nag-suicide

MANILA, Philippines - Posibleng na-depress matapos makipagkalas ang nob­yang Pinay, nagbigti sa punong-kahoy ang isang Koreano sa bayan ng San Jose del Monte City, Bulacan kamakalawa.

Kinilala ang nag-suicide na si Youngpyo Hong, 52, ng Pecson Apartment sa Pecsonville Subdivision, sa Barangay Tung­kong Mangga. Sa ulat na nakarating kahapon sa Camp Cra­me, ang bangkay ng biktima ay natagpuan ni Jeremy Ma­na­han na nakabitin sa isang puno sa Purok 5, Paradise 1, Ba­rangay Tungkong Mangga.

Lumilitaw sa imbestigasyon na bago ang isidente ay nakipag-inuman pa ang Koreano sa ka­niyang mga kaibigan noong gabi at sinabing desperado matapos kalasan ng nobyang Pinay na tinukoy lamang sa pangalang Michelle. Matapos ang ilang oras na pakikipag-inu­man ay nagpaalam na ang biktima sa mga kaibigan hang­gang sa madiskubre ang pagpapatiwakal nito kina­umagahan noong Linggo.

Narekober sa crime scene ang dala­wang piraso ng sobre na nakasulat sa wikang Koreano, love letter ng biktima sa kaniyang nobya.