Army detachment ni-raid ng NPA

MANILA, Philippines - Isang rebelde ang ini­ulat na nasawi habang li­mang sun­dalo naman ang malub­hang nasugatan ma­ta­pos na salakayin ng mga rebel­deng New Peo­ple’s Army ang Army detachment sa Sitio Chapter, Ba­rangay Maputi, sa Davao Oriental noong Lu­nes ng hapon.

Ayon kay P/Supt. Que­rubin Manalang, spokesman ng Police Regional Office-11, naganap ang ma­rahas na pag-atake ng NPA rebs sa detachment ng Philippine Army at Caf­gu sa nasabing barangay.

Sumiklab ang ilang minu­tong putukan na ikina­sugat nina Pfc Jumali Ab­dul Gafar, 42; Pfc Jimmy Nasayon, 39; Pfc Ronnie Cagam­pang, 32; Pfc Reynold Saul­da, 25; na pawang na­katalaga sa Army’s 25th Infantry Battalion at ang Caf­gu na si Marlito Ca­gapit.

Isa namang rebelde na hindi pa natukoy ang pa­ngalan ang napaslang na bi­nitbit ng kanilang mga kasa­mahang nagsitakas.

Nagawa namang ma­katangay ng mga rebelde ng isang K3 machine gun, dalawang M14 rifles, apat na Garand rifles at isang radio. Ang mga rebelde ay na­mataang nagsitakas patu­ngo sa direksyon ng Ba­rangay Pantukan, Com­postela Valley at Brgy. Kaus­wagan, Banay-banay, Da­vao Oriental. Patuloy na­man ang malawakang pag­tu­gis laban sa mga nagsita­kas na re­belde.