Shootout: 3 kidnaper todas

MANILA, Philippines - Tatlong notoryus na mi­yembro ng kidnap-for-ransom gang ang napas­lang kasunod ng pagkaka­ligtas sa dinukot na Fil-Am sa isinagawang rescue operation ng mga tauhan ng Police Anti Crime Emergency Response (PACER) at ng mga sundalo sa ba­hagi ng Tagaytay City, Cavite kaha­pon ng madaling-araw.

Sa ulat ni PACER Chief P/S. Supt. Isagani Nerez kay PNP Chief Director General Je­sus Verzosa, kinilala ang nailigtas na biktima na si Sal­vacion Gamba Gorenflo, 39.

Si Gorenflo ay nasagip ng PACER at AFP Joint-Special Operations Group sa hideout ng mga kidnaper sa Filipinas Farm sa Brgy. Iruhin, Tagay­tay City dakong alas-3 ng ma­da­ling-araw.

Isa sa tatlong napatay ay nakilalang si Alex Espanola ng Novaliches, Quezon City.

Nasamsam sa mga na­pa­­tay na kidnaper ay tatlong ba­ril kabilang na ang Ingram machine pistol, Mitsubishi Lancer (PKL 306) at sari-sa­ring celpon.

Nabatid na si Gorenflo ay dinukot noong Abril 11 sa Brgy. Bukal, Dasmarinas, Cavite kung saan nauna na ring humingi ang mga kidnaper ng US$ 1 milyong ransom sa pa­milya ng biktima na nasa Estados Unidos.

Walang naibayad na ransom ang pamilya ng biktima matapos na matunton ng mga awtoridad ang pinagkukutaan ng mga kidnaper.

Nai-turnover na sa US Em­bassy si Gorenflo ha­bang patuloy ang pagtugis sa iba pang suspek. Cris­tina Tim­bang, Joy Cantos at Arnell Ozaeta