Lider ng reelectionist mayor nilikida

MANILA, Philippines - Isa na namang campaign leader ng re­elect­ionist mayor ang iniulat na napaslang makaraang pag­babarilin ng mga ‘di-pa kilalang lalaki sa bisinidad ng Barangay Sta. Cruz, sa bayan ng Sierra Bullones, Bohol kamakalawa ng madaling-araw.

Nasapol sa dibdib at ulo si Generoso Sajol ng Barangay Villa Garcia, ka­wani ng munisipyo at campaign leader in incumbent Mayor Simplicio Ma­es­trado Jr.

Sa press briefing sa command center ng AFP Task Force HOPE (Honest Orderly and Peaceful Elections ) sa Camp Aguinaldo, sinabi ni Col. Ricardo Ne­pomuceno, na naganap ang krimen bandang ala-1:22 ng madaling-araw.

Nabatid na sinundan ang biktima ng mga ‘di-pa kilalang lalaki saka isi­nagawa ang pamamas­lang.

Pinaniniwalaang may kinalaman sa nalalapit na Mayo 10 polls ang krimen.