2-anyos sinunog ng ina

BULACAN , Philippines  — Kalunus-lunos na kamatayan ang sinapit ng isang 2-anyos na anak na lalaki makaraang sunugin ng kanyang ina na sinasabing nalulong sa bawal na droga sa Baran­gay San Jose Patag sa ba­yan ng Sta. Maria, Bulacan kaha­pon ng madaling-araw.

Sa ulat na isinumite ni P/Supt. Marcos Rivero kay P/Senior Supt. Fer­ nando Villanueva, kinilala ang nasawi na si Gian Carlos Prudencio habang na­aresto naman ang ina na si Gina Vergara, 43.

Sa ulat ni PO1 Ernesto Janapin, nagulantang ang mga natutulog na residente dahil sa nasusunog ang ba­hagi ng apartment na nire­rentahan ng suspek na pag-aari naman ni Manolito Julian.

Bago naganap ang in­si­dente ay napansin ng ilang kapitbahay na tila wala sa sarili ang ina kung saan ay nagsasalita nang walang kausap.

Gayon pa man, na­gulat na lamang ang kan­yang mga kapitbahay na su­misigaw ito sa loob ng kanyang kuwarto kasunod ang biglang pagliyab ng apartment.

Ayon pa sa imbesti­gasyon, nakakita ng basag na bote na may gasolina na sinasabing ginamit ng suspek sa pagsunog sa sarili nitong anak at na­ da­may ang kanyang ba­hay.

Pinaniniwalaang binu­husan ng gasolina ang da­mit ng batang natutulog bago sinindihan.

Napag-alaman din na nalulong na sa shabu ang ina at ito ang isa sa dahilan kaya nawala sa sarili at isinagawa ang krimen.