115 pulis negatibo sa droga

MANILA, Philippines - Negatibo sa bawal na droga ang 115 pulis ng Negros Occidental PNP provincial office matapos ang isinagawang drug test noong Lunes (Marso 1), ayon sa opisyal na ulat ka­hapon. Ito ay base sa resulta ng chemistry report na isinumite ng PNP Crime Laboratory mula sa Camp Alfredo Montelibano sa pamumuno ni P/Supt. Lazaro Sumague na nag­pa­patunay na hindi gumagamit ng anumang mapanga­nib at bawal na droga ang sinuman na isinalang sa pagsu­suri ng mga pulis.  Bagaman ikinatuwa ni P/Chief Supt. Manuel Felix ang resulta ng drug test ay nagbabala ito sa kanyang mga tauhan na marami pang sorpresang drug test ang kanilang isasagawa sa hinaharap. Joy Cantos