Ama kinatay

CAMP SIMEON OLA, Legazpi City , Philippines   — Kama­tayan ang sumalubong sa isang 73-anyos na ama makaraang pagsasaksakin ng kanyang anak na lalaki sa mismong ka­arawan ng matanda kama­kalawa ng gabi sa Barangay Panicua­son, Naga City, sa Cama­rines Sur. Halos mag­ka­gutay-gutay ang katawan ni Bartolome Verano Sr. nang tigilang ng suspek na si Barto­lome Verano Jr. na naaresto naman ng pulisya matapos isa­gawa ang brutal na pa­mamaslang. Lu­militaw sa imbestigasyon ng pulisya na magkasa­mang nag-iinuman ng alak ang mag-ama at ilang bisita kaugnay sa pagda­raos ng kaarawan ng ma­tanda nang kapusin ng alak. Ka­agad naman inutu­san ng ma­tandang lango na rin sa alak ang kanyang anak na bumili sa kalapit na tindahan subalit tu­mang­gi ito. Dito na binato ng bote ng alak ang suspek hang­gang sa maganap ang brutal na krimen. Ed Casulla