Tollway mishap: 2 todas, 10 sugatan

BATANGAS, Philippines – Dala­wang sibilyan ang kumpir­madong namatay kabilang na ang 5-anyos na babae samantalang sampung iba pa ang sugatan makaraang tumaob ang van sa kaha­baan ng Southern Tagalog Arterial Road (STAR) Tollway na sakop ng Barangay Pusil sa Lipa City, Ba­tan­gas kahapon ng tanghali.

Kinilala ni Carlito Ame­rica, security officer ng Star Tollway ang mga nasawi na sina Bernardo “Nanding” Lopez, 49, ng Brgy. Bubog, San Jose, Occidental Min­doro at Liechiel Padilla, 5, ng Brgy San Roque, San Jose, Occidental Mindoro.

Naisugod naman sa Mary Mediatrix Hospital ang mga sugatang sina Polito Ponla, driver ng van; Racquel Padilla, 40; Joeli Padilla, 42; Alexander Paz, 14; Mimi Lopez, 48; Jay-Vee Lopez, 15; Raychel Paz, Linda, 30; Michelle May, 11; Mylene, 5; pa­wang may apelyidong Ponla at si Lydia Jacinto na pa­wang nakatira sa San Jose, Occidental Mindoro.

Ayon sa report, bina­bagtas ng mga biktimang lulan ng Hyundai van (ULF 606) ang northbound lane ng Star Tollway patungong Maynila mula sa Batangas nang sumabog ang huli­hang gulong nito kaya tu­maob ng ilang beses pag­sapit sa may KM 77 ban­dang ala-1:27 ng hapon.