5 bata dedo sa kuryente

CAMP VICENTE LIM, Laguna, Philippines – Kamatayan ang sumalubong sa limang batang lalaki matapos na makuryente habang nag­lalaro sa kalsada sa Ba­rangay Mojon sa bayan ng Pila, Laguna kahapon.

Kinilala ni P/Senior Inspector Anthony Gatang, hepe ng pulisya sa bayan ng Pila ang mga nasawi na sina Samuel Latigo, 4; Angel Joy Lavares, 4; John Carlo Serdan, 7, mga nakatira sa Barangay Mojon at ang mag utol na sina John Lorenz Alberto, 6; at John Alvin Alberto, 7, kapwa residente ng Ba­rangay Bulilan Sur.

Sa inisyal na ulat ng pu­lisya, lumilitaw na magka­kasamang naglalaro ang mga bata sa gilid ng kal­sada sa nabanggit na barangay nang aksiden­teng maapakan ang naka­laylay na talop na linya ng kuryente bandang alas-5 ng hapon.

Namataan ng ilang re­sidente ang mga batang nagkikisay kaya kaagad nilang sinaklolohan at na­isugod sa ospital.

Gayon pa man, tatlong bata ang dead-on-the-spot samantalang namatay na­man ang dalawa habang ginagamot sa  Sta. Cruz Provincial Hospital.

Inaalam ng pulisya ang responsable sa linya ng kuryente na napabayaang nakalaylay.