Comelec officer nagwala

CAMP SIMEON OLA, Legazpi City, Philippines — Isang municipal officer ng Commission on Elections na lango sa alak ang nagwala sa isang checkpoint matapos na ito ay harangin ng mga pulis sa kahabaan ng kalsada ng Barangay Tar­vesia, Guinobatan, Albay.

Nakilala ang suspek na si Jerry Benidicto Calag, nasa hustong gulang, election officer ng Bayan ng Camalig at residente ng Pio Duran, Albay.

Base sa impormasyon ang insidente ay naganap dakong alas-5:45 ng hapon kamaka­lawa habang ang mga miyem­bro ng Guinobatan Police ay nagsasagawa ng checkpoint sa naturang lugar.

Nagalit ang election officer na lango sa alak na naka­sakay sa kanyang motorsiklo nang pahintuin ng mga pulis.

Pinakiusapan siyang tuma­bi pero tumanggi ito at nagwala.

 Para hindi na lumawig pa ang usapin ay pinayagan na lamang ng mga pulis na ito ay makaraan subalit ang opisyal ng Comelec ay nagtunggo pala sa himpilan ng pulisya at doon ito ay nagpa- blotter. Ed Casulla