7 NPA pinabulagta ng militar

BULACAN , Philippines   — Nagwa­kas ang mga karahasang ikinakalat ng pitong rebel­deng New People’s Army makaraang mapatay sa pa­ki­kipagsagupaan sa tropa ng militar kahapon ng ma­daling-araw sa liblib na bahagi ng Sitio Talamsi 1, Brgy. Ka­lawa­kan sa bayan ng Doña Re­­medios Trinidad, Bulacan.

Ayon sa tagapagsalita ng Phil. Army na si Lt. Col. Arnulfo Marcelo Burgos Jr., nakasagupa ng tropa ng  Army’s 56th  Infantry Bat­talion sa pamumuno ni 1st Lt. John Ian Galera ang grupo ng Sangay ng Partido sa Platun Bulacan na pina­ mu­munuan ni Kumander Macmac.

Tumagal ng 30-minuto ang sagupaan sa na­bang­­git na barangay kung saan napatay si Kumander Macmac at anim iba pang rebelde.

Napilitan namang mag­­­si­atras ang iba pang re­belde matapos na ma­patay ang kanilang lider habang wala namang naiulat na na­sawi o na­sugatan sa panig ng mga sundalo ng Phil. Army.

Narekober sa pinang­ya­rihan ng engkuwentro ang limang M16 Armalite rifles, dala­wang M14 rifles, isang M203 grenade launcher at ilang suber­sibong doku­mento.

Kaugnay nito, ipinag-utos na ni Army Special Ope­rations Command Chief Major General Ireneo Espino ang mala­wakang hot pursuit ope­rations laban sa grupo ng mga nagsi­takas na communist rebels.

Kasalukuyang inaalam pa ang pagkikilanlan ng mga rebeldeng napatay.