2 haydyaker dedo sa shootout

CAMP NAKAR, Lu­cena City, Philippines — Dalawang ar­madong kalalakihan na sinasabing miyembro ng hijacking syndicate ang ini­ulat na napatay ng mga ta­uhan ng Criminal Investigation and Detection Group (CIDG) at pulis-Quezon sa naganap na shootout sa bayan ng Tiaong, Quezon kahapon ng umaga.

Kinilala ni P/Superintendent Rommel Cardiño, de­puty chief ng CIDG Region 4A, ang mga napatay base sa nakuhang identification cards na sina Christopher Rete at Salve Abundo.

Napag-alamang naka­tang­gap ng impormasyon ang mga awtoridad sa naganap na hijacking na kinasasangkutan ng apat na armadong kalalakihan sa isang 10-wheeler truck (WBX-799) na kargado ng asukal kaya naglatag ng checkpoint.

Makalipas ang dala­wang oras, naispatan ng mga tauhan ni Cardino ang truck na pag-aari ng Mu­ralla Trucking Corporation sa may diversion road na patungong Lucena City.

Nang tangkaing pahin­tuin ng mga pulis ang truck, pinaputukan pa sila saka pi­na­harurot patungong Ma­­harlika Highway.

Sumunod ang ilang mi­nutong running gun battle hanggang sa mapa­tay ang dalawa at ma­katakas na­­man ang dalawang iba pa.

Nakaligtas naman ang driver ng truck na si Gil Se­rato at ang kanyang pahi­nante na si Joel Manuel na kapwa iginapos sa loob ng truck.

Samantala, nagsasa­gawa pa rin ng hot pursuit operation laban sa dala­wang nakatakas na hijacker.