Doktora sinunog ng akyat-bahay

CAMP VICENTE, LIM, LAGUNA, Philippines — Kamatayan ang sumalubong sa Ba­gong Taon sa isang 71-an­yos na doktora matapos pagnakawan ay sunugin pa ng mga miyembro ng Ak­yat-Bahay Gang sa loob ng kanyang apartment sa ba­yan ng Silang, Cavite ka­ma­kalawa ng gabi.

Kinilala ni P/Supt. Da­nilo Buentipo, hepe ng Si­lang PNP, ang biktimang si Dra. Engracia Dela Cruz, ma­tandang-dalaga, dating Municipal Health Officer sa bayan ng Silang, tubong Meycauayan, Bulacan at residente ng #18-D E. A Apartment, V. Toledo St. Barangay 4.

Lumilitaw na naka­tang­gap ng ulat ang Silang Bureau of Fire na nasusunog ang apartment ng doktora bandang alas-7:30 ng gabi.

Natagpuan ng mga bom­bero ang sunog na ka­tawan ng doktora habang nakahiga pa sa kanyang kama na may nakatakip na unan at mga damit sa mukha.

Sa inisyal na imbesti­gasyon, napag-alamang pinasok ng mga kawatan ang apartment ng biktima matapos wasakin ang bintana.

May palatandaan ding si­na­kal ang biktima hang­gang sa mapatay bago sinunog ang bahay para maitago ang mga ebi­densya at lituhin ang mga imbestigador.

Inaalam pa ng pulisya ang halaga ng mga ari-arian na nawawala habang patuloy ang imbesti­ gas­yon. Dagdag ulat ni Joy Cantos