Pulis dinedo sa KTV bar

CAMP SIMEON OLA, Legazpi City, aa— Pinagbabaril hanggang sa mapatay ang isang 50-anyos na sarhento ng pulisya ng mga di-pa kilalang lalaki sa loob ng videoke bar kamakalawa ng gabi sa Barangay Batang sa bayan ng Pamplona, Camarines Sur. Bandang alas-8 ng gabi nang ratratin si SPO2 Manuel Medina na naka­talaga sa himpilan ng pulisya sa bayan ng Pmaplona. Walang lumu­tang na saksi sa naganap na krimen na pinaniniwalaang hit squad ng mga rebeldeng NPA. Ed Casulla