15-anyos niluray sa inuman

OBANDO, Bu­la­can, Philippines — Isang dala­gi­tang es­tudyante ang gi­nahasa ng isa niyang kainu­mang lalaki sa isang pagtitipon sa Barangay Lawa sa ba­yang ito ka­makalawa ng gabi.

Kinilala ng 15-an­yos na biktimang 2nd year high school student ang sus­pek na si Lambert Carbon, 18-anyos, resi­den­te ng Ba­rangay Lawa.

Sinabi ng biktimang itinago sa alyas na Ca­thy na, bandang alas-4:30 ng hapon kama­ka­­lawa, ni­yaya siya ng isa niyang kaibigang babae sa isang pagtiti­pon sa bahay ni Carbon.

Nang dumating sila sa bahay ay nadatnan na nila ang ilan pang ka­lala­kihan na umi­inom at nagka­kasa­ya­han hang­­gang sa pwer­­sahin na si­yang painu­min ng alak ng mga dinatnan niyang bisita dito.

Nakaramdam si Ca­thy ng pagkahilo at, da­kong alas-9:30 ng gabi, nagulat siya na na­sa loob na siya ng kuwarto ng suspek na kasiping nito at walang saplot sa buong kata­wan kabi­lang na dito ang pana­nakit ng ma­selang parte ng kan­yang katawan.

Agad na tumakbo ang biktima sa kani­lang ba­hay upang isum­bong sa kanyang tiyahin ang pangyayari.

Matapos na maido­kumento ang inihaing reklamo ay agad na ipinasuri ang biktima sa Crime Laboratory Office sa Camp Cra­me, Que­zon City na pinatunayan naman na positibo ang biktima sa pang­ga­gahasa.

Kasong Rape in Relation to R.A.7610 ang ki­nakaharap ng sus­pek na kasalu­ku­yang naka­piit na sa himpilan ng pu­lisya. (Boy Cruz)