Kumander ng NPA arestado

CAMP SIMEON OLA, Legazpi City, Philippines – Bumagsak sa kamay ng mga awtoridad ang kumander ng mga rebeldeng New Peo­ple’s Army sa isinagawang operasyon kahapon ng mada­ling-araw sa bisinidad ng Barangay Nabunton, Ligao City, Albay. Suma­sailalim na sa tactical interrogation si Miguel “Mike” Pe­drjeta ng Sandatahan Platon Pam­propaganda ng Kilusang La­rangan 77. Sa bisa ng warrant of arrest na inisyu ni Judge Ange­les S. Vasquez ng 5th Judicial Regional Trial Court Branch 13 sa kasong mur­der, sinalakay ng pulisya ang pansa­mantalang pinag­kukutaan ni Pedrieta na sinasabing rest house ng dating vice mayor ng Ligao City na si Steve Bichara. Ayon kay P/Supt. Erick Magalona, ang suspek ay isinasangkot sa pag­patay sa dating hepe ng Civil Security Unit na si Expedito Ribaya noong Dec. 12, 2007 sa Brgy. Nasisi. Ed Casulla