Karpintero pinutulan ng ari

KIDAPAWAN CITY, Philippines – Patay na nang matagpuan kahapon sa isang lugar malapit sa sementeryo sa Makilala, North Cotabato ang 55-taong gulang na karpintero na kinilalang si Rico Edillo ng Purok Uno, Barangay New Cebu sa bayan din ng Makilala.

Ayon kay Insp. Ramel Hojilla, hepe ng Makilala Police, posibleng hinam­pas ng matigas na bagay ang ulo ni Edillo na naging sanhi ng kamatayan nito.

Nang matiyak ng sus­pek na patay na ang bik­tima, saka pinutol ang ari nito at pinakain sa kanya.

Ito ang tumambad sa mga pulis nang makita ang bangkay ni Edillo sa Purok Uno ilang metro lang ang layo mula sa bahay nito at sa sementeryo ng Makilala bandang ala-1:30 ng ha­pon, noong Nobyembre 4.

Posibleng nag-iisa lang ang suspek nang gawin ang karumal-dumal na kri­men. 

Maaari ding matinding galit ang nagtulak sa suspect para patayin ang bik­tima.

Pero blanko pa rin ang mga pulis sa pagkakilanlan sa may-gawa nito habang isi­ nusulat ito. (Malu Cadelina Manar)