P1.5-milyong marijuana, sinunog

MANILA, Philippines - Nasamsam ng mga oto­ridad ang P1.5 milyong ha­laga ng marijuana nang sa­lakayin ng mga ito ang ma­laking plantasyon sa Ca­gayan-Kalinga at Isabela.

Sa ipinadalang report ng Police Regional Office 2 kahapon, dakong alas 4:00 ng madaling-araw ng sala­kayin ng mga tauhan ng Kali­nga Provincial Police Office at Philippine Drug Enforcement Agency Region 2 ang ilang hektarya ng tani­man ng marijuana, particular na ang Sitio Banga-Banga, Brgy, Minagbag, Quezon, Isabela.

Nakuha dito ang 7,500 puno ng marijuana na 7-10 talampakan ang taas, bul­tu-bulto ng mga binhi at mga pinatuyong dahon. Su­balit mabilis naman na tumakas ang mga suspek na responsible dito mata­pos na matu­nugan ang mga otoridad.

Agad na sinunog ang mga nasabing marijuana at dinala ang ilan bilang sam­ple para maisailalim sa chemical examination. (Joy Cantos )