66 MILF rebels sumuko

MANILA, Philippines - Umani ng tagumpay ang isinusulong na peace talks ng pamahalaan makaraang su­muko ang 66 na rebledeng Moro Islamic Liberation Front (MILF) sa Maguindanao, ayon sa ulat kahapon.

Ayon kay Army spokesman Lt. Col. Arnulfo Marcelo Burgos Jr., ang 66 MILF rebs ay sumurender sa ginanap na joint ceremony sa Peace and Development Program ng Army’s 603rd Brigade sa pa­mumuno ni Col. Ernesto Ara­da­nas at ng lokal na pama­halaan.

Kabilang sa mga nag­sisukong rebelde ay nagmula sa mga bayan ng Barira, Kalangas sa Lanao del Sur, Datu Abdullah Sangki, Ma­guin­danao at sa bayan ng Buldon, Maguindanao.

Suma­sailalim na sa masusing inte­ro­gasyon ang mga rebelde ha­bang patuloy naman ang pakikipag-ugnayan sa iba pang MILF rebs. (Joy Cantos)