1 pang kapitan itinumba
Batangas, Philippines – Matapos mapatay ang isang barangay captain sa Lemery rito, isa pang barangay captain ang isinunod ni kamatayan matapos pagbabarilin ng hindi pa nakikilalang mga suspek sa Nasugbu ng lalawigang ito kamakalawa ng gabi.
Kinilala ni Nasugbu Police Chief Superintendent Antonio Malabanan ang biktimang si Alberto Rogador Jr., 59, kapitan ng Barangay Tumalim sa Nasugbu.
Nakasakay umano si Rogador sa kanyang Mitsubishi Pajero at nag-aantay sa isa niyang kaibigan sa may R. Martinez St., Barangay 12 nang lapitan ng dalawang suspek at pagbabarilin nang ilang beses.
Namatay si Rogador habang isinusugod sa Apacible Memorial Hospital dahil sa mga tinamong mga tama ng bala ng .38 revolver sa dibdib at mukha.
Nauna rito, napatay si Julian Bathan, 56, chairman ng Barangay Maigsing Dahilig sa Lemery habang sakay ng kanyang mobile patrol vehicle at tambangan ng mga suspek sa may Barangay Matinggain Uno bandang alas-8:30 ng umaga. (Arnell Ozaeta at Ed Amoroso)
- Latest
- Trending
