Holdap: Executive ng kompanya todas

BATANGAS, Philippines – Binaril at napatay ang isang executive ng pribadong kom­panya matapos itong hol­dapin ng mga armadong ka­lalakihan sa bisinidad ng Barangay Sta. Maria, sa bayan ng Talisay, Batangas noong Miyerkules ng gabi.

Kinilala ni P/Senior Inspector Ferdinand An­cheta, hepe ng Talisay PNP, ang biktimang si  Raymund Bugayon, 41, nangungupahan sa Brgy. Zone 2, Talisay, Batangas at isang regional sales director ng FeedMix Specialist Incorp.

Sa police report, lumi­litaw na lulan ng Hyundai Tucson si Bugayon habang tinatahak ang kahabaan ng highway sa Brgy. Bugaan West sa bayan ng Laurel nang harangin ng mga ar­madong suspek bandang alas-5:30 ng hapon.

Bandang alas-6:30 ng gabi nang matagpuan ng mga residente ng Brgy. Sta Maria, Talisay si Bugayon na duguang nakahandusay sa loob ng kanyang kotse.

Posibleng nanlaban ang biktima kaya ito binaril kung saan inabandona sa na­banggit na barangay.

Tinangay ng mga hol­daper ang laptop at cell­phone ng biktima habang inaalam pa ng pulisya kung may natangay na kolek­syon. Arnell Ozaeta