Diarrhea outbreak: 386 nadale

BAGUIO CITY, Philippines – Uma­abot sa 386-katao mula sa limang barangay ang na-ospital matapos manalasa ang sakit na diarrhea sa Baguio City, ayon sa ulat kahapon. Ayon kay Dr. Do­natel Tobera ng Baguio City Epidemiology and Surveillance Unit, kabilang sa mga barangay na may diarrhea outbreak ay ang Barangay Imelda Village, M. Roxas, Saint Joseph, Purok 4 sa Brookside at East Modern Site sa Aurora Hill.

Base sa pagsusuri ng mga imbestigador mula sa Baguio Health Services Office, may natagpuang fecal coliform bacteria mula sa water supply na pinag­ku­kunan ng inuming tubig sa Baguio Water District.

Nagkaroon ng leak ang sewerage system patungong pumping station ng BWD sa Navy Base kaya na­apektu­han ang tubig ng mga resi­dente kaya pan­samantalang ipinatigil ang operasyon habang gina­gawa ang mga tubo. Kon­trolado naman ang sitwas­yon at hindi na ma­apek­tu­han ang iba pang ba­rangay. Artemio A. Dumlao