4 kidnaper todas sa shootout

BULACAN, Philippines – Nag­wakas ang masasa­yang araw ng apat sa limang kalalakihan na sinasa­bing miyem­bro ng kidnap-for-ransom group makaraang mapatay sa pakikipag­barilan sa pu­lisya kung saan nailigtas naman ang biktimang trader kamakalawa ng gabi sa bisinidad ng Fausta Subd. sa Ba­rangay Abangan Sur, Marilao, Bulacan.

Dalawa sa napatay ay kinilalang sina Ro­lando San Juan y Men­­­doza, alyas Bangus ng Brgy. Sta. Rosa 1, Mari­lao, lider ng Bangus kidnap for-ransom group; at si Rodel Tabunan y San­tos ng Brgy. Baloc, Sto. Domingo, Nueva Ecija.

Nailigtas naman ang kinidnap na trader na si Jatindar Pal Singh 23, ng Brgy. Su­lucan, Bocaue, Bula­can.

Samantala, suga­tan na­­man ang isang pulis-Marilao na si PO1 Ro­nald Gregorio ma­tapos ta­maan ng bala ng baril sa tiyan.

Sa inisyal na ulat ni P/Supt Lailene Am­paro, lumilitaw na di­nukot ng mga arma­dong kalala­kihan ang biktimang Bum­ bay sa bisinidad ng Brgy. Lolomboy, Bo­caue.

Lingid sa mga kidnaper ay may nakakita sa kanilang modus ope­ randi kaya kaagad na­man naipagbigay-alam sa pulisya ang insidente.

Sa follow-up operation ay namataan na­man ang mga kidnaper sa nabanggit na lugar kaya nagkapalitan ng putok ng baril hang­gang sa bumulagta ang apat habang nakata­kas na­man ang isa na lulan ng motorsiklo.

Narekober ng pu­lisya ang isang M16 Armalite rifle, isang cal. 45 pistola, isang cal. 38 revolver, isang cal. 9mm at mga bala, kotseng Toyota Vios na sinasabing ki­nar­nap at pag-aari ni Lu­cila Va­rilla ng San Ilde­fonso, Bulacan at isang mo­tor­siklo (9727-CQ).

Matatandaan na tat­long ne­gosyan­teng Bum­­bay ang ki­nidnap sa na­ banggit na bayan noong 2008 subalit hindi naipa­alam sa kinau­ukulan.

Trader kinidnap sa Marawi

Dinukot ng mga armadong kalalakihan  ang isang 55-anyos na negosyante kamakalawa ng umaga sa bisinidad ng Brgy. Gadungan, Marawi City, Lanao del Sur, kamakalawa. Wala pang paramdam ang mga kidnaper sa pamilya ng biktimang si Hadji Omar Ontawar, may-ari ng Amanah Trading sa nasabing lungsod. Sa police report na nakarating sa Camp Crame, naganap ang pagdukot dakong alas-10 ng umaga kung saan nakatayo sa harapan ng pag-aaring establisyemento ang biktima. - Joy Cantos